Ertu ríkur ef þú ert á háum launum?

„Hann er með 1,5 milljón á mánuði – hann er ekkert eðlilega ríkur.“

Þetta er setning sem maður heyrir oft. En hún byggir á einni stærstu mýtu fjármála: að há laun jafngildi auði.

Laun eru tekjur. Auður eru eignir. Munurinn er gríðarlegur.

Í vestrænum samfélögum er talað um lífgæðakapphlaupið. Því hærri sem launin verða, því dýrari verður lífsstíllinn. Stærra hús. Dýrari bíll. Betri veitingastaðir. Dýrari ferðalög.

Í mörgum tilfellum fer launahækkunin ekki í eignamyndun. Hún fer í skuldsettan lífsstíl.

Og þá gerist þetta: Launin hækka – en fjárhagslegt svigrúm helst óbreytt.

Dæmið

Segjum að þú sért með 1,5 milljónir útborgaðar á mánuði. Barnlaus og býrð ein/n.

• 600.000 í afborganir af flottri íbúð

• 200.000 mánaðargreiðsla í dýran bíl

• 230.000 í almenn útgjöld

Eftir standa 470.000 krónur.

Á pappír lítur þetta vel út. En svo bætist við:

• Veitingastaðir

• Ferðir

• Fatnaður

• Skemmtanalíf

Og skyndilega eru kannski 50.000 krónur eftir í lok mánaðar sem er þó eitthvað, en lítið í samamburði við launin.

Þú ert með 1,5 milljón í laun – en lifir samt frá launaseðli til launaseðils.

Hvar verður auður til?

Há laun skapa tækifæri.

En auður verður ekki til nema þú breytir hluta launanna í eignir sem:

• Hækka í virði

• Skapa tekjustreymi

• Vinna fyrir þig

Ef þú eyðir öllu sem þú færð, þá ertu einfaldlega vel launaður starfsmaður – ekki fjárhagslega frjáls einstaklingur.

Sannleikurinn

Laun gera þér kleift að verða ríkur.En þau gera þig ekki ríkan sjálfkrafa.

Munurinn liggur í:

• Sparnaði

• Fjárfestingum

• Eignamyndun

• Sjálfsstjórn

Og það er ástæðan fyrir því að sumir á 600.000 launatjékka eru ríkari en aðrir á 1,5 milljóna tjékka.